Кырдьык курдук кvр кvvстээх
Кvн анныгар туох да суох.
Кырдьык курдук vйэлээх
Кvн сиригэр эмиэ суох.

Кырдьык -- кылыс, уот болот,
Киhи котор кыната.
Кырдьык -- эрдээх дьон дьоло,
Кырдьык -- сайдыы ырыата.

Атаhым, арыт кырдьык
Ыарыылаахтык тайанар,
Сиикэй бааска туус курдук
Алдьархайын аhытар.

Олох эн'ин эндирэ --
Харахха анньар кырдьык,
Дьон эриэнэ, дьол кvтvрэ
Барыта ааспат кырдьык.

Сахам сирин тымныыта --
Сахам сирин кырдьыга.
Ити тымныы тыыныттан
Ун'уо5а суох тылгынан
Сымыйалаан куоппаккын.

Кырдьык сорох ардыгар
Тохсунньулуу тымныы.
Оннук кырдьык сырдыга
Киhини олбот тыынныыр.

Ол да иhин дьон бэрдэ
Кыларыйар кырдьыгы
Yрдvк Айыы он'остон
Yйэлэригэр vн'эллэр.
 
 

Ыраах тырымныыр уот курдук,
Ыраах кытыастар кыым курдук,
Ын'ырар эрэллээх буолан,
Ын'ырар уоту итэ5эйэр буолан,--
Киhи барахсан кэхтибэт,
Кэнчиэтээбэт, эстибэт,
Иннин диэки дьvккvhэр,
Иннибэккэ баран иhэр.

Кон'vл оло5о -- иннигэр,
Кvнэ-кvонэ5э -- иннигэр,
Оол-ол кон'vлгэ тиийиэхтээх,
Олох уйгутун ситиэхтээх.
Ол иhин кини кэхтибэт,
Кэнчиэтээбэт, эстибэт,
Иннин диэки дьvккvhэр,
Иннибэккэ баран иhэр.

Эрэлин эрэ ситтэ5инэ,
Бастын' тапталын таптыахтаах,
Онно эрэ тиийдэ5инэ,
Бастын' ырыатын ыллыахтаах.
Ол иhин кини кэхтибэт,
Кэнчиэтээбэт, эстибэт,
Иннин диэки дьvккvhэр,
Иннибэккэ баран иhэр.

Киhи барахсан эрэлин,
Кини кэрэмэн кэскилин
Итэ5эйэрим бэрт буолан,-
Кэхтибэккэ, хоhууннук,
Кvvспэр сылдьар уол курдук,
Инним диэки дьулуhабын.
Иннибэккэ иhэбин.
 

НГУ ФФ аспираана, Сэмэн Гаврильевич хомуйуута.